Отправлено 25 мая 2010 - 23:26
Валерий Александрович, я прочитала это так:
Божиею Милостию
Смиренный Нил Архиепископ Ярославский и Ростовский
По благодати, дару и власти Всесвятаго и живоначальнаго Духа, данней нам от самаго великаго Архиерея, Господа нашего Иисуса Христа, чрез святыя и священныя его Апостолы, и их наместники и преемники, благоговейного сего мужа ... всяким первее опасным истязанием прилежно испытавшее, и достоверными свидетельствы, наипаче духовного его отца, Толгского Монастыря Иеромонаха Паисия о нем уверившееся, по обычаю и чину святыя Апостольския Восточныя Церкве, благословением и рукоположением нашим, содействующу томужде животворящему и всесовершающему Святому Духу, посвятили мы во иерея ко храму Святителя и Чудотворца Николая, Ростовского Уезда, в село Никольское, что на печегде: тысяща восемь сот пятдесят седьмаго года, Месяца Марта во вторый день и утвердили ему власть, Тайнами Святыми совершати человека в жизнь Христианскую, духовную, крещати, миропомазывати, исповедывати, литургисати, венчати по воле и согласию мужа и жены, и последнее елеопомазывание над болящими совершати, над здравыми же никакоже дерзати творити, и вся церковныя последывания и чины действовати яко служителю Христову, и строителю Таин Божиих. Подобает же ему Иерею, по нашему повелению, и по своей должности, вседушно прилежати чтению Божественных Писаний, и не инако сия толковати, но якоже церковная светила, святые и богоноснии отцы наши, пастырие и учителие, великим согласием истолковали: и по завещанию Апостольскому быти трезвену, целомудрену, благоговейну, честну, страннолюбиву, учительну, не пиянице, не бийце, не сварливу, не мшелоимцу: но кротку, не завистливу, не сребролюбцу, свой дом добре правящу, чада имущу в послушании со всякою чистотою: скверных и бабиих, якоже тойже Апостол к Тимофею пишет, басней отрицатися, об (ращ)ати же себе ко благочестию, образ бытии верным, словом, житием, любовию, духом, верою, чистотою: паче и вверенныя ему люди учити благоверию, заповедем Божиим и прочим всем Христианским добродетелям, по вся дни, изряднее же в день недельный, якоже повелевает шестаго селенскаго собора правило девятнадесятое, и исповедавших ему своя совести вязати и решити благоразсудно, по правилам святых Апостолов, и учению Богоносных отцев, по уставу же святыя Восточныя Церкве, и по нашему уставлению и повелению: вящщия же и неудоборазсудныя вины приносити и предлагати нам: от храма же, к нему же благословен есть, и у него же служити определен, инамо без нашего благословения преити никакоже дерзати, по третиему правилу собора Антиохийскаго: к сему же и правила в регламенте, то есть, уставе Правительствующего Духовнаго Синода, пресвитерами составленныя, прилежно и часто прочитовати, и по оным исполняти. Аще же он иерей начнет житии безстрашно, или что неприлично священству деяти: упиватися, или кощунствовати, или грабежства и хищения каковымлибо образом творити, или инако безчинствовати, или о церкви и о пастве своей нерадети, запрещение иерейства да примет, дондеже исправится, и покажет житие незазорное и благочинное, иереем подобающее. Аще же что содеет возбраняющее священству, извержению сана иерейского да подлежит, бе оньже час оное возбраняющее содеет, обаче сего по нем не хощем, и не желаем: но паче тщатися ему всегда достойно ходити звания своего, и врученную себе паству пасти добре, да мудрых и верных служителей мздовоздаяние от руки воздающего комуждо по делом его воспримет, и не постыдится в день страшнаго испытания Владычня. Но да речет: Господи, се аз и дети моя! Да услышит же и сладкий оный глас, глаголющий: добрый рабе, благий и верный! Над малым был еси верен, над многими тя поставлю, вниди в радость Господа твоего. И того ради вручили ему и обыкновенное о том поучение наше, печатным тиснением изданное: еже должен он изучити, и памятно всегда изусть умети, да удобнее возможет и жительству своему внимати, и паству свою поучати. Известнаго же ради свидетельства, яко он ... на степень иерейства нами рукоположен и благословен, дадеся ему сея наша Архиерейская граммата, рукою нашею подписанная, и печатию нашею утвержденная. В Богоспасаемом граде Ярославле в Доме Смирения нашего.
Лета мироздания ... (не знаю) Воплощения же Божия Слова ... (не знаю) Месяца Октомерия бе 31 день.
Если что не так, Елена Дмитриевна меня поправит.
18
